Линктер

ЧУКУЛ КАБАР!
15-Апрель, 2021 бейшемби, Бишкек убактысы 07:55

Евробиримдик Кытайды Шинжаңдагы абалды иликтөөгө уруксат берүүгө чакырды


Кытайдагы мусулман азчылыктарынын укуктарынын корголушун талап кылган митингде тартылган сүрөт.

23-февралда Евробиримдиктин тышкы саясат боюнча башкы комиссары Жозеп Боррел Кытай бийликтерин Улуттар Уюмунун Адам укуктары боюнча агенттигинин башчысы Мишел Бачелеттин Шинжаңга барып, мусулман азчылыктарынын басмырланышы тууралуу маалыматтарды жеринде иликтөөсүнө уруксат берүүгө чакырды.

Бул тууралуу Боррелл Женевадагы Адам укуктары боюнча кеңеште сүйлөп жатып, айтты. Андан мурда 22-февралдаКытайдын тышкы иштер министри Ваң И ошол эле кеңеште сүйлөп жатып Шинжаңдагы мусулман азчылыктарынын эркиндиги жана эмгек укуктары корголорун айтып, Бээжиндин аларга карата мамилесин адам укуктары жаатындагы "жаркын мисал" катары баалаган.

Кытайдын Шинжаң аймагында бери дегенде бир миллиондой киши, басымдуу көпчүлүгү уйгурлар «саясий-тарбиялоочу лагерлерде» азап тартып жатышкандыгын эл аралык уюмдар айтып келишет. Бээжин мындай дооматтарды четке кагып, ал жайларды «кесиптик билимге үйрөтүүчү борборлор» катары сыпаттайт.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG