Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 02:05

Кыргызстанда күйүүчү майдын баасы 14% өстү


Бишкектеги май куючу жайлардын бири.

Кыргызстан мунай ташуучулар бирлиги 1-мартта күйүүчү майдын баасы тууралуу маалымат берди.

Аталган бирикменин аткаруучу директору Канат Эшатов басма сөз жыйында билдиргендей, өлкөдө 2021-жылдын январь айынан тарта бензин жана дизелдик күйүүчү майдын баасы 14% жогорулады.

Эшатовдун айтымында, буга дүйнөлүк базарда жана Орусияда күйүүчү майдын кымбатташы, Казакстандан мунайдын экспорту токтогону себеп:

"2020-жылга салыштырмалуу жыл башынан бери Кыргызстандагы девальвациянын көлөмү 21% өстү. Бул - Көз карандысыз өлкөлөрдүн шериктештигиндеги (КМШ) эң чоң көрсөткүч. Бизде сатылган товардын 80% ашыгы импорттолуп жатат. Ушундан улам күйүүчү майдын баасы өсүүдө. Мунай ташуучулар бирлиги абалды жөнгө салуу үчүн болгон запастарды колдонууда. Бирок баары бир дүйнөлүк баанын өсүшү жана сомдун кунунун түшүүсүнөн келип чыккан кымбаттоого тоскоол боло албай жатабыз".

Азыр Бишкектеги бензин сатуучу жайларда АИ-95 бензини 41 сом 90 тыйын, АИ-92 үлгүсүндөгү бензин 41 сом 30 тыйын, АИ-80 36 сом 90 тыйын болууда. Дизелдин бир литри 38, 90 тыйындан сатылып жатат.

Статистикага караганда, 2020-жылдын ноябрь айында АИ-95 бензини 36 сом 3 тыйын, АИ-92 бензини 31 сом 7 тыйындан сатылган. Дизел 33 сом 17 тыйын болгон.

Кыргызстанга күйүүчү май Орусия жана Казакстандан ташылат.

Мунай ташуучулар бирлиги билдиргендей, январь айынан тартып ушул мезгилге чейинки аралыкта дүйнөдө күйүүчү майдын баасы 67% көтөрүлдү.(BCh)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG