Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 08:48

Жалал-Абаддагы бир көчөгө Каныбек Ташиевдин ысымын ыйгаруу сунушталды


Жалал-Абад шаардык кеңешинин жана мэриянын имараты.

Жалал-Абаддагы борбордук көчөлөрдүн бири - Пушкин атындагы көчөгө УКМК төрагасы Камчыбек Ташиевдин агасы, маркум Каныбек Ташиевдин ысымын ыйгаруу тууралуу сунуш бүгүн 10-мартта шаардык кеңештин сессиясында каралды.

Мэриянын басма сөз катчысы Азамат Жээнбеков "Азаттыкка" билдиргендей, бул көчөнүн аталышын өзгөртүү тууралуу арыз менен Ташиевдин туугандары жана жергиликтүү тургундар кайрылышкан.

Бул боюнча 9-мартта депутаттык комиссия түзүлгөн. 10-марттагы шаардык кеңештин жыйынында шаар мэри Эрнисбек Ормоков "документ боюнча көптөгөн маселелер жаралат" деген негизде көчөнүн мурдагы аталышын калтырууну сунуштап, депутаттар аны колдоду.

Жалал-Абаддагы “Томас” жоопкерчилиги чектелген коомунун негиздөөчүсү катары белгилүү болгон Каныбек Ташиев коронавирус күчөп кеткен 2020-жылдын июль айында, 57 жашында каза болгон.

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG