Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 03:21

Депутат Алтыбаева: "Достук" чек ара бекетинде пара алуу уланууда


Кыргыз-өзбек чек арасы. Иллюстрациялык сүрөт.

Ошто Кыргызстан менен Өзбекстандын чек арасындагы “Достук” көзөмөл-өткөрмө бекетинде жүргүнчүлөрдөн пара талап кылган көрүнүш токтой элек. Бул тууралуу 10-мартта парламенттин жалпы жыйынында сүйлөп жатып депутат Айнуру Алтыбаева билдирди:

“Өзбекстанга кыз берип, келин алып жүрүшпөйбү. Алардан кабар алганы барганда дайым акча талап кылып, жок дегенде 1-1,5 миң сом бермейинче өткөрбөй жатышканын айтып арызданышууда. Ал жерде камералар барбы? Коррупцияга каршы механизмдер кандай?”.

Депутаттын мындай суроосуна Коргоо иштери боюнча мамлекеттик комитеттин төрагасынын орун басары Нурсеит Кедеев жооп берди:

“Мен билгенден камералар бар. Антикоррупциялык, түшүндүрүү иштерди жүргүзүп жатышат. Тилекке каршы, анча-мынча (пара алуу - ред.) болсо керек. Аларды жоопко тартып жатышат”.

Улуттук коопсуздук боюнча мамлекеттик комитеттин (УКМК) Чек ара кызматы депутат Алтыбаеванын айткандарын “чындыкка дал келбейт” деп атады. Мекеменин басма сөз кызматы белгилегендей, бекет аркылуу өткөн жарандарга санитардык-эпидемиологиялык гана талаптар коюлат, ПЧР тесттин баасы 1574 сом. “Достук” бекетинде 21 видеокамера орнотулганы, алардын баары борбордук системага туташтырылганы да белгиленди.

“Достук” бекети Ош облусунун Кара-Суу районунун аймагында жайгашкан. Ал аркылуу өтүүдө чек арачыларга акча берүү көрүнүшү калыптанып калганы буга чейин да айтылып келген. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG