Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 01:05

Өкмөт үйүнүн алдында "ТЭЦ-2" конушунун тургундарынын митинги өтүп жатат


Өкмөт үйүнүн алдында топтолгондор. 2021-жылдын 25-марты. Сүрөт "Govori TV" телеканалынын түз эфиринен алынды.

Өкмөт үйүнүн алдында ушу тапта Бишкектин четиндеги “ТЭЦ-2” конушунда жашаган жүздөн ашуун адам чогулуп турат. Алар курулган үйлөрүн мыйзамдаштыруу маселеси 15-16-жылдан бери чечилбей жатканын, өкмөт 400 түтүндү башка жакка көчүрүшү ыктымал экенин айтууда.

Митингчилер колуна ""ТЭЦ-2" конушун мыйзамдаштырып бериңиз!”, “Мыйзамдуу мамлекетте жашагыбыз келет!”, ""ТЭЦ-2" конушунда 6000ден ашуун карапайым эл жашайбыз” деген жазууларды кармап турушат жана президент Садыр Жапаровго кайрылган ураандарды айтып жатышат.

Акцияга чыккандардын айтымында, алар менен өкмөттүк аппараттын бөлүм башчысы сүйлөшүп, 400 үй-бүлөнү көчүрүү тууралуу маалымат чындыкка жатпай турганын билдирди.

Бишкектин четинде элүү чакты жаңы конуш бар. Алардын көпчүлүгүнүн инфраструктуралык маселеси чечилген эмес жана курулган үйлөрдүн документтери жок. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG