Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 04:55

Өкмөт кыргыз-казак чек арасынан өтүү тартибин түшүндүрдү


Кыргыз-казак чек арасындагы “Ак Жол” бекети.

Кыргыз-казак чек арасындагы “Ак Жол”, “Чалдыбар”, “Ак-Тилек”, “Чоң-Капка” жана “Каркыра” бекеттеринен адамдар, транспорт каражаттары, жүк өткөрүлөт. Бирок пандемиядагы чектөөлөрдөн улам кыргызстандыктардын Казакстанга барышы үчүн жүйөлүү себеп керек.

Коңшу өлкөгө ооруканага бараткандар, дипломаттар, жана Кыргызстандын Тышкы иштер министрлигинен атайын уруксат алган адамдар гана кире алат.

“Казакстанга ооруканага бараткандардын атайын чакыруу кагазы болушу керек. Жакындары коңшу өлкөнүн жараны болсо, же зарыл иштери чыккандар да Казакстанга кире алат. Бирок бул үчүн тастыктамасы болушу керек. Ошондой эле алардын коронавирус менен оорубаганын аныктаган ПЧР-анализи болушу шарт”, -деди Мамлекеттик чек ара кызматынын басма сөз катчысы Гүлмира Бөрүбаева.

Ал эми коңшу өлкөнүн жарандары Кыргызстанга эч чектөөсүз каттай алат. Бөрүбаева муну Казакстан эпидемиологиялык абалы туруктуу делген мамлекеттердин катарына киргени менен түшүндүрдү.

Кыргыз-казак чек арасындагы "Ак-Жол" өткөрмө бекети реконструкциялангандан кийин бүгүн, 2-апрелде расмий ачылды.

Коронавирус пандемиясына чейин бул бекеттен күнүнө 10 миңге чейин адам каттап, 1,5 миңдей автоунаа өтчү. Туристтик мезгил убагында болсо жүргүнчүлөрдүн саны 35 миң, ал эми машиненин саны 2,5 миңге чейин жетчү.

Мамлекеттик чек ара кызматынын маалыматына ылайык, эми оңдоп-түзөтүүдөн кийин бекеттен суткасына 35 миңден ашык адам, 5 миңдей транспорттук каражат өтө алат.

Кыргыз-казак чек арасында "Чалдыбар", "Ак-Тилек", "Кең-Булуң", "Чоң-Капка", "Каркыра" бекеттери бар. Анын ичинен беш автоунаа жана бир темир жол өткөрмө жайы иштейт. (MiK)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG