Линктер

ЧУКУЛ КАБАР!
8-Май, 2021 ишемби, Бишкек убактысы 15:26

Норвегиянын премьер-министри эреже бузганы үчүн айыпка жыгылды


Эрна Сульберг. Норвегиянын премьер-министри.

Норвегиянын премьер-министри Эрна Сульберг COVID-19 илдетине байланыштуу карантин маалында туулган күнүн белгилеп, ага ашыкча конок чакырганы үчүн айыпка жыгылганын полициянын башчысы Оле Северуд маалымат жыйында билдирди.

“Адатта, полиция мындай эреже бузууларга эскертүү гана берет. Бирок бардык жарандардан эрежени сактоону талап кылган өкмөт башчысы өзү чектөөнү бузбоого тийиш болчу”, – деди полициянын башчысы Северуд.

Быйыл февраль айынын аягында Норвегиянын премьер-министри Эрна Сульберг 60 жашка толуп, бул юбилейлик датаны жакындарынын арасында белгилеген. Кечеге анын 13 жакыны катышкан. Карантиндик режимге ылайык, ал 10 киши чакырышы керек болчу.

Факты коомчулукка маалым болгондон кийин премьер-министр коомчулуктан кечирим сурады.

Саясатчы 2013-жылдан бери Норвегиянын өкмөтүн жетектейт. Ал 2004-жылдан бери парламентте көпчүлүктү түзгөн Консервативдик партияны башкарып келген. Туулган күнүнө ашыкча конок чакырганы үчүн премьер-министр 20 миң норвегиялык крон (2532 АКШ доллары) өлчөмүндө айып пул төлөгөн.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG