Линктер

ЧУКУЛ КАБАР!
14-Май, 2021 жума, Бишкек убактысы 17:06

БШК: жаран референдумдун бюллетенин албай коюуга укуктуу (түшүндүрмө)


Оштогу шайлоо тилкелерининин бири. 2021-жылдын, 11-апрели.

Президенттин ыйгарым-укуктарын кеңейткен Коонституциянын жаңы долбоору боюнча референдумда добуш берүүнү каалабаган жарандар референдум бюллетенин алуудан баш тартууда.

Шайлоо тилкелеринде эки бюллетень даярдалган - бири жергиликтүү кеңештердин депутаттарын шайлоого, бири Баш мыйзам жөнүндөгү добуш берүүгө.

Борбордук шайлоо комиссиясынын (БШК) төрагасынын орун басары Абдыжапар Бекматов добуш берүүдөгү бюллетендер боюнча “Азаттык” түшүндүрмө берди. Анын айтымында, жаран референдумдун бюллетенин албай коюуга укугу бар.

“Акт түзүлбөйт, шайлоочунун референдумга катышпоо укугу бар. Катышпайм, бюллетень албайм десе эч нерсе болбойт. Бирок, бюллетенди алып кетүүгө укугу жок. Алгандан кийин тандоосун кылышы керек. Эки бюллетенге өз өзүнчө дүмүрчөк берилет”, - деди Бекматов.

Борбордук шайлоо комиссиясынын (БШК) төрагасынын орун басары Абдыжапар Бекматов шайлоочу референдумга каалган жерде добуш бере албай тургандыгын, буга чейин катталган шайлоо тилкесинде гана шайлоого укуктуу экенин айтты.

Учурда социалдык тармактарда бюллетендер боюнча суроолор көп болуп жатат.

Референдум үчүн добуш берүүнү каалабаган адамдарга да айрым добушканаларда референдумдун бюллетенин таңуулап берип жатканы айтылууда.

Борбордук шайлоо комиссиясынын маалыматы боюнча жалпы элдик референдумда 3 606 201 жаран добуш берүүгө укуктуу. Жалпы шайлоочулардын 30% катышса, референдум өттү деп эсептелет. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG