Линктер

ЧУКУЛ КАБАР!
8-Май, 2021 ишемби, Бишкек убактысы 13:49

Бишкек: Мектептерди онлайнга өткөрүү шарттары аталды


Иллюстрациялык сүрөт.

Бишкекте мектептерди аралыктан иштөөгө толук өткөрүү же өткөрбөө маселеси коронавируска чалдыккан окуучу же мугалим менен контакт болгондордун санына жараша чечилет. Бул тууралуу борбор калаанын мэриясы 14-апрелде кабарлады.

Мекеменин маалыматына караганда, чечимди санитардык-эпидемиологиялык көзөмөл борборунун адистери кабыл алышат.

Бүгүнкү күндө Бишкекте үч мектеп толук бойдон жана жети мектептин 11 классы онлайн окуп жатат. Шаар боюнча 1,5 миңге жакын окуучунун ата-энеси баласы үйдөн окуй турганы жөнүндө арыз жазып беришкен.

9-апрелге карата Бишкекте 22 балада жана 16 мугалимде COVID-19 аныкталган.

Мектептердин баары 2020-жылдын мартында коронавируска байланыштуу толук жабылган. Кийин аймактардагы мектептер ишин улантып, Бишкекте жарым-жартылай онлайн окуу башталган.

Кыргызстанда соңку күндөрү коронавирус жугузуп алгандардын саны көбөйүүдө. Бул оору жалпысынан 90 миңден ашуун адамга жукту, алардын 1,5 миңдейи каза болду. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG