Линктер

ЧУКУЛ КАБАР!
25-Май, 2022 шаршемби, Бишкек убактысы 04:34

Аскар Какеевдин сөөгү "Ала-Арча" көрүстөнүнө коюлду


Аскар Какеев менен коштошуу.

Бишкекте 27-апрелде мурдагы мамлекеттик катчы, мурдагы билим берүү, илим жана маданият министри Аскар Какеевди акыркы сапарга узатуу зыйнаты өттү. Кыргыз улуттук университетинин алдында уюштурулган иш-чарага өкмөттүн, коомчулуктун өкүлдөрү, маркумдун жакындары катышты.

Какеев 25-апрелде 85 жашында оорудан улам каза болгон. Сөөгү “Ала-Арча” көрүстөнүнө коюлду.

Коомдук жана мамлекеттик ишмер, философия илимдеринин доктору, профессор, Кыргыз улуттук илимдер академиясынын академиги, Кыргызстандын илимге эмгек сиңирген ишмери Аскар Какеев 1935-жылдын 10-декабрында Чүйдүн Кегети айлында туулган.

Аскар Какеевдин сөөгү "Ала-Арча" көрүстөнүнө коюлду.
Аскар Какеевдин сөөгү "Ала-Арча" көрүстөнүнө коюлду.

1992-1993-жылдары ал мамлекеттик катчы, 1993-1998-жылдары билим берүү, илим жана маданият министри, 2000-2005-жылдары Кыргыз улуттук университетинин ректору болуп иштеген, Кыргыз-Орус (Славян) университетинин философия кафедрасын жетектеген. 100дөн ашуун илимий эмгектин автору болгон. (MZh)

Facebook шеринеси

XS
SM
MD
LG