Линктер

ЧУКУЛ КАБАР!
25-Июль, 2021 жекшемби, Бишкек убактысы 15:57

Израилде экс-президенттин уулу мамлекет башына келди


Израилдин жаңы шайланган президенти Ицхак Херцог

Саясатчы Ицхак Херцог Израилдин 11-президенти болуп шайланды. 2-июнда өлкө парламенти-Кнессеттин 120 депутаты жашыруун добуш берүү аркылуу 60 жаштагы Херцогду тандашты.

Ал Израилдеги Лейбористтик партиянын мурдагы төрагасы жана оппозиция лидери болчу. 2013-жылы өткөн парламенттик шайлоодо азыркы өкмөт башчы Биньямин Нетаньяхуга атаандаш болуп чыккан.

Атасы Хаим Херцог дагы 1983-1993 жылдары Израилдин президенти болгон. Ал эми жакын тууганы Абба Эбан Израилдин биринчи тышкы иштер министри жана БУУ менен АКШдагы атайын чабарманы болуп иштеген.

Израил парламенттик мамлекет болгондуктан, премьер-министр башкарат. Президенттин ыйгарым укуктары кыйла чектелген.

Facebook шеринеси

XS
SM
MD
LG