Президент Садыр Жапаровду коштоп бараткан кортеждин бир автоунаасы Ысык-Көл облусунда кырсыкка кабылып, Улуттук коопсуздук комитетинин (УКМК) 9-кызматынын бир офицери каза болду. Бул тууралуу президенттин маалымат кызматы билдирди.
Жапаровду коштоп бараткан автоунаа Ысык-Көл районунун Ананьево айылында каршы тилкеге чыга калган жеңил машина менен сүзүшкөн. Алдын ала маалыматта айтылгандай, каршыда келаткан машинанын айдоочусу мас болгон. Кырсыктан үч адам жабыркады.
Садыр Жапаровдун Ысык-Көл облусуна барары тууралуу маалымат эч жерде айтылган эмес. (МТа)
Facebook шеринеси