Ысык-Көл: “Сары кыздын” тою башталды

Ысык-Көлдө “Сары кыздын” тою башталды. Адаттагыдан 10 күн эрте көл жээгиндеги айылдар өрүктүн түшүмүн терип, сатыкка чыгарып жатат. Багбандардын айтымында, аптаптуу ысыктан улам өрүк эрте бышып, жазында жааган мөндүр түшүмдүн 60-70% жок кылган. Азыр анын баасы килосуна 70 сомдон болуп жатат. Сугат суунун тартыштыгы улам түшүм майда болуп калган. Ысык-Көлдүн өрүгү Орусиянын ири шаарларына жана Казакстанга экспортко чыгат. Өрүк баккан Жеңиш айылына кабарчыбыз Кундуз Сырдыбаева барып келди.