Министрлер кабинетинин төрагасы Улукбек Марипов Кыргызстандын Паралимпиада курама командасын кабыл алып, спортчу Арстанбек Базаркуловго кыргыз желегин тапшырды.
2021-жылдын 24-августунан тартып 5 -сентябрына чейин XVI Паралимпиадалык оюндар Токиодо өтөт. Ага Кыргызстандын жеңил атлетиканын ядро ыргытуу түрү боюнча Арстанбек Базаркулов жана дзюдо боюнча 57 килограммга чейинки салмакта Хайитхон Хусан кызы катышат.
Буга чейин Жапониядагы Жайкы Олимпиада оюндарында грек-рим күрөшүнөн Акжол Махмудов күмүш, кыз-келиндер күрөшүнөн Айсулуу Тыныбекова дагы күмүш, Мээрим Жуманазарова коло байге алган. Олимпиадага жалпысынан 16 спортчу барган. (TSh)
Facebook шеринеси