Кыргызстандын Орусиядагы элчилиги Шереметьево аэропортунда кармалып тургандардын жагдайына байланыштуу орус Тышкы иштер министрлигине нота жиберди. Бул тууралуу "Азаттыкка" элчиликтен кабарлашты.
Маалыматка караганда, ФСБ аты-жөнүн өзгөрткөн кишилерди аныкташ үчүн аэропортто текшерүү өткөрүп жатат.
Элчилик азырынча канча адам аэропортто экени жөнүндө маалымат берген жок. Алар Кыргызстандан учуп баргандар, же кайтып келаткандар экени да белгисиз.
22-октябрда "Твиттерде" айрым колдонуучулар кыргызстандык бир топ жүргүнчү Москванын Шереметьево аэропортунда кармалып турганын жазышкан.
7-октябрда да аталган аба майданында Кыргызстандан барган ондогон жаран тыкыр текшерүүдөн өтүп, кыйла убакыт кармалып турушкан. Аларга укуктук жактан жардам берүү үчүн Кыргызстандын элчилигинен үч юрист барган.
Facebook шеринеси