Болгариянын президенти Румен Радев 21-ноябрда өткөн шайлоонун экинчи айлампасында атаандашы Анастас Гержиковду ири айырма менен жеңди. Софияда жарыяланган экзит-поллдун жыйынтыгына караганда, Радев добуштардын 66 пайызын, Гержиков 32 пайызын алды.
Радев 14-ноябрда шайлоонун биринчи айлампасында добуштардын дээрлик жарымын алган. Анын атаандашы - София университетинин ректору Анастас Гержиков 23% ээ болгон.
Бул өлкөдө төртүнчү жолу шайлоо уюштурулду. Апрель жана июль айындагы добуш берүүнүн жыйынтыгында парламентке өткөн партиялар Министрлер кабинетин түзүү боюнча орток пикир таба алышкан эмес.