Линктер

ЧУКУЛ КАБАР!
19-Январь, 2022 шаршемби, Бишкек убактысы 19:28

Бишкек-Дели-Бишкек багыты боюнча аба каттам ачылды


Бишкек-Дели-Бишкек багыты боюнча алгачкы каттам 19-ноябрда учуп келди. "Манас" эл аралык аэропортунун басма сөз кызматы билдиргендей, каттамды жаңы атамекендик "Аэро Номад Эйрлайнс" авиакомпаниясы Airbus А320 учагы менен ишке ашырды.

Авиакомпания Бишкек-Дели-Бишкек каттамын жума сайын ишке ашырууну пландоодо.

2021-жылдын 5-ноябрында "Аэро Номад Эйрлайнс" Кыргызстандын Жарандык авиация департаментинен туруктуу жана чартердик каттамдар менен жүргүнчүлөрдү ташууга укук алган.


Кыргызстан менен Индиянын ортосундагы жылдык соода жүгүртүү 40 миллион доллардын тегерегинде. Анын ичинен Кыргызстан Индияга 5 миллион долларлык товарды экспорттойт. Ал эми Индиядан келген импорттун көлөмү 30 миллион доллардан ашат.

Кыргызстан Индияга айыл чарба продукцияларын, анын ичинен сүт азыктарын, кургатылган мөмө-жемиштерди жана бал сатат. Индиядан Кыргызстанга көбүнчө дары-дармек келет.

Facebook шеринеси

XS
SM
MD
LG