12-декабрга карата Кыргызстанда 34 адам COVID-19ду жуктурганы лабораториялык жактан аныкталды. Алардын көбү Бишкек шаарында. Талас, Нарын жана Ысык-Көл облустарында ооруну жуктуруп алгандар катталган жок.
COVID-19га каршы республикалык штабдын маалыматына караганда, бир суткада бул инфекциядан эки киши каза болду.
Ушуну менен былтыр марттан бери бул ооруну жуктуруп алган 183 810 адам катталды. Пандемияда каза болгондордун жалпы саны 2770ке жетти. (TSh)
