Линктер

ЧУКУЛ КАБАР!
26-Январь, 2022 шаршемби, Бишкек убактысы 11:15

2022-жылы бюджеттен 39 млрд. сом карыздарды төлөөгө сарпталат


Доллар жана сом. Иллюстрациялык сүрөт.

2022-жылы мамлекеттик карыздарды төлөөгө бюджеттен 39 млрд. сом сарпталат. Бул тууралуу 13-декабрда Жогорку Кеңештин Бюджет жана финансы боюнча комитетинин жыйынында финансы министри Алмаз Бакетаев билдирди.

Министрдин айтымында, 39 млрд. сомдун 26,6 млрд. сому тышкы карызды төлөө үчүн каралган.

Мамлекеттин ички карызын тейлөөгө 2022-жылы 12,7 млрд. сом, 2023-жылы 13,5 млрд., 2024-жылы 18,8 млрд. сом бөлүү каралган.

2022-жылдын республикалык бюджетинин такталган тартыштыгы 9 ,1 млрд. сом деп болжолдонууда. Бул ички жана тышкы булактардын эсебинен жабылары айтылды.

Соңку расмий маалыматка караганда, Кыргызстандын мамлекеттик карызы быйыл жыл ортосунда 416 млрд. сомдон (4 млрд. 921 млн. доллар) ашты, бул сумманын 85% тышкы, 15% ички карыз. (JsA)

Facebook шеринеси

XS
SM
MD
LG