Талантбек Кушчубеков Кыргызстандын Венгриядагы элчиси болуп дайындалды. Тиешелүү жарлыкка президент Садыр Жапаров 23-декабрда кол койду.
Кушчубеков буга чейин тышкы иштер министринин орун басары болуп иштеген.
Кыргызстандын Венгриядагы элчилиги быйыл октябрда расмий ачылды. Венгриянын Кыргызстандагы элчилиги 2020-жылы февралда ачылган.
Кыргызстан менен Венгриянын ортосунда дипломатиялык алаканын түзүлгөнүнө 2022-жылы 30 жыл толот. (МТа)
