Советтер Союзу жана Орусиянын белгилүү актеру Леонид Куравлёв 85 жашында дүйнө салды. Ал өпкөсү кагынып (пневмония), 10-январдан бери Москвадагы Коммунаровка ооруканасында жаткан.
COVID-19га карата анализдери таза чыккан. 22-январда Куравлёвду ооруканадан хосписке которушкан.
"Коммерсантъ" басылмасы кабарлагандай, маркум пневмониядан айыкканы менен абалы оорлошуп кеткен.
Куравлёв "Иван Васильевич кесибин которот" тасмасында Жорж Милославскийдин, "Афоня" тасмасында сантехник Афанасий Борщовдун ролун ойногон.