Орусиянын аскерлери 14-январда Украинанын аймагына эки жолу жапырт ракеталык чабуул жасады. Днепрде көп кабаттуу үйдүн бир тарабы кыйрап, каза болгондор 20га жетти. Бул тууралуу аталган облустун башчысы Валентин Резниченко кабарлады. Анын ырасташынча, дагы 40тай адам жабыркады, алардын арасында балдар бар. Аман калгандарды куткаруу иштери уланып жатат.
Донецк облусундагы Авдеевканы аткылоодо үч адамдын өмүрү кыйылды. Шаардын аскердик-жарандык администрациясынын башчысы Виталий Барабаш дагы үч адам жараат алганын кабарлады.
Киев шаарынын мэри Виталий Кличко Днепропетровск районунда жарылуу болгонун, дагы бир ракета Голосеевск районундагы бош турган имаратка тийгенин билдирди.
Президенттин кеңсеси борбор шаардагы жана башка аймактардагы маанилүү инфраструктуралык имараттар бутага алынганын кабарлады. Мындан улам электр энергиясын берүү үзгүлтүккө учурашы ыктымалдыгы эскертилди.
Украинанын Куралдуу күчтөрүнүн маалыматына ылайык, Орусия 14-январда үч жолу абадан сокку уруп, 50дөй ракеталык чабул жасады.
Орусиянын Коргоо министрлиги ишембидеги чабуулдарга байланыштуу азырынча комментарий бере элек.
Орус аскерлери Украинанын инфратүзүмдөрүнө буга чейин дагы бир канча жолу ракеталык чабуул жасаган. Мындан улам электр энергиясы, жылуулук жана суу берүү үзгүлтүккө учурап, кыйынчылыктар жаралган.
Орусия Украинага согуш ачканына 11 ай болду.
Орус армиясы 14-январда Украинаны дагы ракета менен аткылады. Киев облустук аскер администрациянын башчысы Алексей Кулеба жарылуулар таңкы саат 6дан тарта башталганын, маанилүү бир инфраструктуралык объектте өрт чыкканын маалымдады. Ошондой эле 18 турак-жай жабыркаганы айтылды. Азырынча жабыркагандар тууралуу маалымат бериле элек.
Киев шаарынын мэри Виталий Кличко Днепропетровск районунда жарылуу болгонун, дагы бир ракета Голосеевск районундагы бош турган имаратка тийгенин билдирди.
Президенттин кеңсеси борбор шаардагы жана башка аймактардагы маанилүү инфраструктуралык имараттар бутага алынганын кабарлады. Мындан улам Харьков облусунда электр энергиясын берүү үзгүлтүккө учурашы ыктымалдыгы эскертилди.
Орус аскерлери Украинанын инфратүзүмдөрүнө буга чейин дагы бир канча жолу ракеталык чабуул жасаган. Мындан улам электр энергиясы, жылуулук жана суу берүү үзгүлтүккө учурап, кыйынчылыктар жаралган.
Орусия Украинага согуш ачканына 11 ай болду. Ушул тушта Украинанын Донецк облусундагы Соледар шаары үчүн айыгышкан согуш жүрүп жатат. Украин армиясы Соледарды орус күчтөрү көзөмөлгө алганын четке каккан.
Украинанын башкы штабы: Соледар үчүн кармаш уланууда
Украинанын куралдуу күчтөрүнүн Башкы штабы фронттогу абал тууралуу маалымат берип, Донецк облусундагы Соледар шаары үчүн кармаш уланып жатканын билдирди.
“Бахмут багытында каршылаш Спорное, Белогоровка, Раздоловка, Яковлевка, Соледар, Красная Горка, Бахмут, Клещеев, Курдюмов, Дружба жана Пивничноени аткылады. Соледар үчүн кармаш уланууда”, - деп айтылды маалыматта.
Украинанын куралдуу күчтөрү бир сутка ичинде (13-январь) орусиялык армия жайгашкан тогуз сокку урганын белгиледи. Ракеталык бөлүк жана артиллерия башкаруу пунктун, атайын күчтөр жайгашкан алты районду, бир зениттик-ракеталык комплексти жана Орусия Федерациясынын курал-жарак сакталган үч кампасын жок кылган.
13-январда Орусиялык күчтөр Соледарды алганын билдирген. Украиналык күчтөр муну четке кагып, шаар үчүн кармаш уланып жатканын билдирген.