Европа Комиссиясы Украинадан буудай жана башка азык-түлүк товарларын сатып алууну чектөө маселеси боюнча Борбордук Европа өлкөлөрү менен мунасага жетишти. Келишимге беш өлкө – Польша, Венгрия, Румыния, Словакия жана Болгария кол койду. Ага чейин аталган өлкөлөр Украинанын азык-түлүк продукциясын импорттоого эмбарго жарыялашкан.
Жетишилген келишимге ылайык, эми Евробиримдик бул өлкөлөрдүн кампаларына толуп калган украин буудайын алып кетүү боюнча чукул чараларды көрөт, Украинадан буудай, жүгөрү, күн карама, рапс данын сатып алуу убактылуу чектелет.
Ошону менен катар Евробиримдик аталган өлкөлөрдүн өзүнүн айыл чарба тармагына колдоо көрсөтүү үчүн 100 миллион евро бөлүп берет, алар импортту чектеген чечимдерин жокко чыгарып, бул багыттагы ишин бири-бири жана Евробиримдик менен макулдашып жүргүзүп турууга милдеттүү болушат.
Украина айыл чарба продукциясын Африка жана Жакынкы Чыгыш өлкөлөрүнө Европа мамлекеттери аркылуу ташып өтүү укугунан ажыратылбайт.
Еврокомиссиянын жетекчиси Урсула фон дер Ляйен жетишилген мунасаны колдой турганын билдирип, "Муну менен Украина да өзүнүн экспорттоо мүмкүнчүлүктөрүн сактап калат, биздин фермерлер да чыгымга учурабайт” деп айтты.
2022-жылдын май айында Евробиримдик Украинага колдоо көрсөтүү максатында анын дан азыктарын сатып алуудагы айрым төлөмдөрдү жокко чыгарган жана жеңилдиктерди берген. Мунун айынан айыл чарба продукциясын өндүрүүчү жергиликтүү фермерлер Украинанын арзандатылган товарынын айынан атаандаштык жаралып, иши жүрбөй калганын айтып, нааразылыгын билдирип чыгышкан.
BBC жана "Медиазона" басылмалары Украинадагы согушта өлгөн орусиялык 21 миң 700 жоокердин тек-жайын тактады. Алардын 3041и элиталык бөлүктөрдүн аскерлери.
Журналисттер согушта өлгөндөрдүн эсеби орус армиясынын Украинадагы жоготуусунун реалдуу санын билдирбей турганын, иш жүзүндө адам өлүмү мындан да көп адам болушу мүмкүн экенин белгилешет.
Иликтөөчү кабарчылар медиа каражаттарына чыккан жана жергиликтүү бийлик берген жаңылыктардын, каза тапкандардын туугандарынын социалдык баракчаларга жазган билдирүүлөрүнүн негизинде маалымат топтойт.
Чогултулган маалыматтар акыркы айларда өлгөндөрдүн көбү Бахмуттун жанындагы салгылашууларга катышып жаткан “Вагнер” жалданма уюмунун жоочулары экенин көрсөтүп турат. Журналисттер март айында орус абактарынан жалдангандар согуштагы жоготуулардын эң көп бөлүгүн түзгөнүн белгилешкен.
Пентагон орус армиясынын жоготуулары өлгөндөрдү жана жараат алгандарды кошкондо 100 миңден көп деп эсептеген.
Орусия Украинага 2022-жылдын 24-февралында басып кирген. Андан бери БУУнун эсебинде сегиз миңден ашуун карапайым тургун набыт кетти.
Киев майданда 13 миңдей жоокери курман болгонун былтыр жыл соңунда маалымдаган. Орусиянын Коргоо министрлиги акыркы жолу былтыр 21-сентябрда согушта 6 миңдей жоокерин жоготконун билдирген. Адатта согушуп жаткан тараптар курмандыктарынын санын так айтпайт. "Азаттык" радиосу согуш шартында маалыматты өз алдынча текшере албайт.
BBC жана "Медиазона" басылмалары Украинадагы согушта өлгөн орусиялык 21 миң 700 жоокердин тек-жайын тактады. Алардын 3041и элиталык бөлүктөрдүн аскерлери.
Журналисттер согушта өлгөндөрдүн эсеби орус армиясынын Украинадагы жоготуусунун реалдуу санын билдирбей турганын, иш жүзүндө адам өлүмү мындан да көп адам болушу мүмкүн экенин белгилешет.
Иликтөөчү кабарчылар медиа каражаттарына чыккан жана жергиликтүү бийлик берген жаңылыктардын, каза тапкандардын туугандарынын социалдык баракчаларга жазган билдирүүлөрүнүн негизинде маалымат топтойт.
Чогултулган маалыматтар акыркы айларда өлгөндөрдүн көбү Бахмуттун жанындагы салгылашууларга катышып жаткан “Вагнер” жалданма уюмунун жоочулары экенин көрсөтүп турат. Журналисттер март айында орус абактарынан жалдангандар согуштагы жоготуулардын эң көп бөлүгүн түзгөнүн белгилешкен.
Пентагон орус армиясынын жоготуулары өлгөндөрдү жана жараат алгандарды кошкондо 100 миңден көп деп эсептеген.
- автор Айбек Бийбосунов
28-апрелге караган түнү Орусиянын ракеталык чабуулунан Украинанын Умань шаарында 20дай киши мерт болуп, дагы ошончо киши ар кандай жаракат алды. Мындан тышкары, Кременчуг, Полтава жана Николаевде дагы жарылуулар болду. Орусия жай тургундарды эмес, Украинанын аскердик жана стратегиялык жайларын гана бутага алганын билдирип келет.
Украинанын куткаруучулары алты кишинин сөөгүн урандылардын алдынан таап чыкса, бирөө ооруканада көз жумганы айтылды. Ракета тийген көп кабат үйдө жабыр тарткандардын саны улам өсүп, кечке маал 20га жеткен. Орусиянын чабуулу түн ичинде башталып, уйкудагы тургундардын көбү качып чыкканга жетишпей калган.
“Менин кызымдын классташы тогузунчу кабатта жашачу. Анын эмне болгонун билбей атам. Аман калышын кудайдан тилейм. Бул аябай чоң трагедия”, - деди жергиликтүү тургун Ольга.
Уман шаарындагы үйдүн ракета тийген бөлүгүндө 109 тургун жашаганы айтылды. Андагы 46 батирдин 26сы толугу менен талкаланып калган. Ал эми Днепр шаарында орусиялык күчтөрдүн соккусунан карапайым тургундун үйү талкаланып, 31 жаштагы аял жана эки жашар кыз мерт болгонун жергиликтүү бийлик билдирди. Бир нече адам жаракат алды.
“Бул Орусиянын террору Украинадан жана дүйнөдөн татыктуу жооп алышы керек жана алат. Ушундай ар бир кол салуу, элибизге каршы жасалган зулумдук террористтик өлкөнү жазага жакындатып атат. Бир дагы кылмышты унутпайбыз жана баскынчынын жоопкерчиликтен качып кетишине жол бербейбиз”, - деп жазды Тelegram каналына Украинанын президенти Владимир Зеленский.
Украинанын Куралдуу күчтөрүнүн кол башчысы Валерий Залужныйдын билдиришинче, 28-апрелге караган түнү жалпысынан орустардын 23 канаттуу ракетасынын 21и атып түшүрүлдү. Ошондой эле эки дрон жок кылынды.
Украина президентинин кеңсесинин башчысы Андрей Ермак Москвага микрочиптерди сатып алууга жардам берген өлкөлөргө санкция киргизүүгө чакырды.
"Санкциялар чектөөлөрдү кыйгап өтүп, Орусияга ракеталарды чыгаруу үчүн батыш микросхемаларын сатып алууга жардам берген өлкөлөргө карата колдонулушу керек", -деген Ермак.
Эксперттер белгилегендей, Украина контрчабуулга даярданып жатат дегенден бери Орусия абадан сокку урууну күчөттү. Орусиянын медиасы Коргоо министрлигине таянып, украин армиясынын 130дай позициясын бутага алганын кабарлады. Коргоо министрлиги Умандагы окуя боюнча коментарий бере элек.
“Донецк багытында чабуулчу отряддар Артемовск (Украинанын Бахмут шаары) шаарынын түндүк-батыш, батыш жана түштүк-батыш бөлүгүндөгү төрт кварталды ээлди. Аба-десанттык аскерлердин бөлүмдөрү шаардын түндүк жана түштүк чет жакаларында душманды жолун бөгөп, чабуул коюучу аскерлерге көмөк көрсөтүп жатышат”,-деди Украинанын Коргоо министрлигинин расмий өкүлү Игорь Конашенков.
Бир жыл мурун Украинага басып кирип, кеңири масштабда согуш ачкандан бери орус армиясы карапайым калкты бутага албаганын билдирип келет. Ошол эле маалда Украинанын калктуу конуштары, социалдык мекемелер бутага алынганы маалым болгон. Ошол эле Днепрдеги көп кабат үйдү аткылоодо 46 адам каза болгон. Мындай окуялар Мариуполдогу театрда, Краматорскидеги темир жол бекетинде катталган.