- автор Санжар Эралиев
Украинанын президенти Владимир Зеленский 7-июлда Түркияга барып, Режеп Тайып Эрдоган менен жолугары күтүлүүдө.
Cүйлөшүүлөр кийинки жумада өтө турган НАТОнун саммити жана Кара Деңиз аркылуу украин данын экспорттоо макулдашуусу тууралуу болот. Мурдагы келишимдин мөөнөтү 17-июлда аяктайт. Орусия келишимди узартууга негиз көрбөгөнүн айтууда.
Бир күн мурда украин президенти Болгарияга, андан ары Чехияга барган. Прагадан Түркияга баратып Словакиянын борбору Братиславага да токтоп, жолугушууларды өткөрдү.
Прагада НАТОго кошулуу аракети сөз болду
Коомчулукка мурда айтылбаган сапар менен Чехияга келген президент Владимир Зеленский Прагада өткөргөн маалымат жыйында Украинанын НАТОго кошулуу аракетине токтолду:
"Кээ бирөөлөр дагы эле Москванын көзүн караcа, айрымдар Орусиядан коркот. Азыр альянстын кайратын жана бирикменин күчүн көрсөтүү үчүн чоң мүмкүнчүлүк деп эсептейм. Бул жерде сөз альянска кошуу багытындагы кээ бир конкреттүү аракеттер, так сигналдар жөнүндө болуп жатат. Бизге бул мотивация керек. Биздин мамиледе чынчыл болуу маанилүү".
Зеленский Украинанын контрчабуулу тууралуу да айтып, "жай жүрүп жатса да, орустардай чегинбей, алдыга баратабыз" деди. Мурдараак украин президенти журналисттерге Батыш курал жана согуштук жабдыктарды өз убагында жеткирбегендиктен, Орусия басып алган аймактарда коргоонууну бекемдеп алууга жетишкенин айткан.
Чех президенти Петр Павел Украинанын НАТОго жана Евробиримдикке кошулуусун колдой турганын белгилеп, Киев орус агрессиясынан коргонуу жаатында ар дайым Прагага таянса болорун билдирди:
"Согуш бүтөрү менен Украинанын НАТОго кирүү боюнча сүйлөшүүлөрдү баштаганы Чехиянын кызыкчылыгында экенин так айтуу керек. Анткени бул биздин коопсуздугубуздун, аймактык бейпилдиктин жана экономикалык өсүүнүн кызыкчылыгын көздөйт".
Петр Павел Украинанын контрчабуулу Орусия "буга чейин өзүн көрсөтүп келгендей күчтүү деле эместигин далилдегенин" кошумчалады.
Зеленский Прагада жолугушууларда коргонуу маселелери, НАТОнун Вильнюстагы саммитин утурлай байланыштарды координациялоо, Украинанын евроинтеграциясы жана Запорожье атомдук станциясындагы кырдаал тууралуу кабарлаган.
Дан келишими жаатында Москва бир чечимге келе элек
Украин президенти 7-июлда Прагадан Түркияга барып, президент Режеп Тайып Эрдоган менен сүйлөшүүлөрдү өткөргөнү жатат.
Орусия Украинага согуш ачкандан бир нече ай өткөндөн кийин Кара деңиз аркылуу дан экспорттоо токтоп калган. Бул жагдай дүйнөдө азык-түлүктүн кымбатташына алып келген.
Киев менен Москва Түркия жана БУУнун ортомчулугу алдында дан экспортун кайра жандантуу келишимине былтыр 22-июлда Стамбулда кол коюшкан. Келишимдин мөөнөтү эки жолу узартылды. Андан бери Украинадан 30 миллион тонна буудай жана башка айыл чарба азыктары экспорттолду.
Орусия 17-июлда бүтө турган Кара деңиз дан келишимин узартуу боюнча акыркы чечимге келе элек.
"Биз расмий түрдө чечимди азырынча жарыялай элекпиз, аны өз убагында жарыялайбыз. Дагы убакыт бар. Макулдашуулардын биздин өлкөгө тиешелүү бөлүгүн аткарууга дагы убакыт бар. Келишимди узартууга азыр тилекке каршы өзгөчө негиз жок", - деди Кремлдин басма сөз катчысы Дмитрий Песков.
Келишимге ылайык, Орусия өзү көзөмөлдөгөн суулар аркылуу Украинанын портторунун жана андан кайткан дан кемелеринин коопсуздугун кепилдеген.
Ал арада Украинанын чыгышында соңку бир суткада 30тай кагылышуу болгону кабарланды.
Киев бейшембиде орус армиясынын Львов шаарына урган ракеталык соккусунан мерт болгондордун саны онго жеткенин билдирди. Жараат алгандардын саны кырктан ашты.
Орусиянын Коргоо министрлиги Львовго жасалган чабуул тууралуу комментарий берген жок. Ынанымдуу далилдерге карабай, Кремль Украинадагы карапайым калкты атканын моюнуна ала элек жана "аскердик түзүмдөргө тиешеси бар объектилерге" гана сокку урарын айтып келет.
Украинанын президенти Владимир Зеленский 7-июлда Түркиянын президенти Режеп Тайып Эрдоган менен жолугары күтүлүүдө.
Стамбулдагы сүйлөшүүлөр кийинки жумада өтө турган НАТОнун саммити жана Кара Деңиз аркылуу украин данын экспорттоо макулдашуусу тууралуу болот. Мурдагы келишимдин мөөнөтү 17-июлда аяктайт. Орусия келишимди узартууга негиз көрбөгөнүн айтып, азырынча баш тартууда.
Зеленский Түркияга Прагадан жол тартат. Бир күн мурда украин президенти Чехияга барып, президент Петр Павел менен жолуккан.
Зеленский Прагада өткөргөн маалымат жыйында Украинанын контрчабуулу тууралуу айтып, "жай жүрүп жатса да, орустардай чегинбей, алдыга баратабыз" деди.
Мурдараак украин президенти журналисттерге Батыш курал-жабдыкты өз убагында жеткирбегендиктен, Орусия басып алган аймактарда коргоонууну бекемдеп алууга жетишкенин айткан.
Чех президенти Петр Павел Украинанын НАТОго жана Евробиримдикке кошулуусун колдорун айтып, Киев орус агрессиясынан коргонуу жаатында ар дайым Прагага таянса болорун билдирди.
Ал арада Украинанын чыгышында соңку бир суткада 30тай кагылышуу болгону кабарланды.
Украин бийлиги 6-июлда Украинанын Львов шаарына жасалган орус армиясынын соккусунан мерт болгондордун саны онго жеткенин билдирди. Жараат алгандардын саны кырктан ашты.
Украинанын Львов шаарында 6-июлга караган түнү жасалган Орусиянын ракеталык чабуулунан набыт кеткендердин саны кеминде он кишиге жетти. Дагы 40тан ашыгы жараат алды.
Соккуда көп кабаттуу үйдөгү үч подъездин жогорку эки этажы толугу менен кыйрады, бир катар үйлөр, имараттар жана машиналар жабыркады. Учурда куткаруу, урандыларды тазалоо иштери уланып жатат.
Бул Орусия согуш ачкандан бери аталган шаарды бутага алган эң калайман чабуул болуп калды.
Буга чейин шаарда жарык өчүп, уюлдук байланыш жакшы иштебей калганы маалымдалган. Украинанын Маданият жана маалымат саясаты министрлиги ЮНЕСКОнун Бүткүл дүйнөлүк мурастар тизмесине кирген "Львов – тарыхый борборунун ансамбли" да жабыркаганын билдирди.
Президент Владимир Зеленский окуяны террорго теңеп, буга жооп болорун Телеграмга жазган.
Украин армиясынын маалыматына ылайык, Львовго түнкү саат бирлерде Кара деңизден "Калибр" ракеталары менен сокку урулган. Атылган он ракетанын жетөөнүн мизи кайтарылган.
Орусиянын Коргоо министрлиги Львовго жасалган чабуулга комментарий берген жок. Ынанымдуу далилдерге карабай, Кремль Украинадагы карапайым калкты атканын моюнуна албайт жана "аскердик түзүмдөргө тиешеси бар объектилерге" гана сокку урарын айтып келет.
Украинанын президенти Владимир Зеленский бейшемби күнү кечинде Орусия согуш ачкандан бери биринчи жолу күтүүсүз Прага шаарына келди. Аны чех президенти Петр Павел кабыл алды. Жергиликтүү басылмалар Зеленскийдин сүйлөшүүлөрү 7-июлда дагы уланарын жазышты.
Павел менен жолугушуудан кийинки маалымат жыйында Зеленский Чехияга Украинаны жана армиясын ар тараптан колдоп жатканы үчүн ыраазычылык билдирди.
Чех президенти согуштун аяктаган маалда Киевди НАТОго кошуу тууралуу сүйлөшүүлөрдү баштоо маанилүү болорун айтты. Бул Чехиянын кызыкчылыгы үчүн дагы зарыл экенин белгиледи.
Петр Павел Украинанын контрачабуулу Орусия "буга чейин өзүн көрсөтүп келгендей күчтүү деле эмес экенин далилдеди",- деп айтты. Ал контрчабуул ийгиликтүү болушу үчүн бардык аракеттер жасалышы керектигин белгиледи.
Зеленский Прагада жолугушууларда коргонуу маселелери, НАТОнун Вильнюстагы саммитин утурлай байланыштарды координациялоо, Украинанын евроинтеграциясы жана Запорожье атомдук станциясындагы кырдаал болорун кабарлаган. Ал Прагага келгенге чейин Болгарияда дагы болуп, бийлик өкүлдөрү менен жолуккан.