Атомдук энергия боюнча эл аралык аганттиктин (МАГАТЭ) орусиялык аскерлер басып алган аймак - Украинанын Запорожье облусундагы АЭСте турган эксперттери акыркы жумада көп сандаган жардыруулардын добушу угулгаанын айтышууда.
"Немис толкуну" радиосу маалымдагандай, 8-сентябрда МАГАТЭнин башчысы Рафаэль Гросси азыркы кырдаал аймакта аскердик активдүүлүктү күчөтүп, "АЭСте өзөктүк коопсуздукка коркунуч келтириши ыктымалдыгын" айтты.
Уюмдун эксперттери 2-сентябрдан тарта үч күн ичинде 20дан ашуун, андан кийин дагы бир нече жардыруулардын добушун угушкан. Гроссинин сөзүнө караганда, АЭСтин өзүндө жардыруунун кесепети байкалган эмес.
МАГАТЭнин эксперттерине станциянын бир катар энергоблоктору жайгашкан чатырына чыгууга уруксат бериле элек.
Июндун башында Украинанын президенти Владимир Зеленский чалгындын маалыматына таянып, Орусия станциянын чатырына жардыргыч заттарды жайгаштырганын билдирген. Москва аны четке каккан.
8-10-сентябрь күндөрү Орусия басып алган аймактарда, анын ичинде Запорожье облусунда "Мыйзам чыгаруу жыйынына" шайлоо өтүп жатат.
Украина шайлоону сындаган.
Британ чалгындоо кызматы: Орусия аскерин түштүккө топтоп жатат
Украин аскерлери Работино кыштагынын чыгыш тарабындагы орус позицияларына тактикалык чабуулун улантууда. Британиянын аскердик чалгындоо кызматынын соңку билдирүүсүнө ылайык, Украинанын куралдуу күчтөрү акырындап Клещеевка менен Андреевканын ортосунда жылып жатат.
Орус аскерлери Украинанын Херсон облусуна урган соккудан бери дегенде үч адам курман болуп, бир канчасы жараат алды. Аймактык аскер администрациясынын башчысы Александр Прокудин Одрадокаменка жана Веселый кыштактары бутага алынганын 8-сентябрда билдирди.
Ушул эле күнү Кривой Рог шаарына Орусиянын күчтөрү аткан ракета полициянын кеңсесине тийип, бир киши кызматкер набыт болгонун ички иштер министри Игорь Клименко айткан.
Ошондой эле Сумы облусундагы эки кабаттуу үйдү ракета талкалап, эки киши жараат алган.
Запорожьеге да ракеталык чабуул болгонун, бери дегенде бир киши жараат алганын аймактын башчысы Юрий Малашко маалымдады.
Одесса жана Николаев облустарына орус күчтөрү дрон менен чабуул койгонун, 20 учкучсуз аппараттын 16сынын мизи кайтарылганын армия кабарлады. Зыяндын көлөмү тууралуу маалымат берилген жок.
Москва Украинанын аймактарына жасалган соккулар тууралуу комментарий бере элек.
БУУнун эсебинде Орусиянын Украинадагы согушунда 9500ге жакын жайкын тургун набыт болду. Уюм курмандыктардын чыныгы саны мындан көп болушу мүмкүндүгүн белгилейт.
Далилдерге карабай, Кремль Украинадагы аскердик объектилер гана бутага алынарын, калктуу конуштарга чабуул койбогонун айтып келет.
Украинанын Кривой Рог шаарына 8-сентбярда Орусиянын күчтөрү аткан ракета полициянын кеңсесине тийип, бир киши каза болду. Бул туураллуу Днепропетровск облустук аскер башкармалыгынын жетекчиси Сергей Лысак билдирди.
Ички иштер министри Игорь Клименко курман болгон жаран полиция кызматкери экенин, дагы 25 киши жараат алганын айтты.
Чабуулда полиция имаратына жакын жайгашкан турак жайлар да зыян тарткан.
Ошондой эле Сумы облусундагы эки кабаттуу үйгө ракета тийип, эки киши жараат алганы кабарланууда. Сокку урулган үй талкаланып, дагы 20дан ашуун турак жай, автоунаалар зыян тартканын облустук бийлик кабарлады.
Запорожьеге ракеталык чабуул болгонун, бери дегенде бир киши жараат алганын аймактын башчысы Юрий Малашко маалымдады. Украинанын Куралдуу күчтөрүнүн айтымында, чабуулдардын бутасы порт инфраструктурасы болгон.
Одесса жана Николаев облустарына орус күчтөрү дрон менен чабуул койгонун, 20 учкучсуз аппараттын 16сынын мизи кайтарылганын армия кабарлады. Зыяндын көлөмү тууралуу маалымат берилген жок.
Москва Украинанын аймактарына жасалган соккулар тууралуу комментарий бере элек.