Латвиянын электрондук массалык маалымат каражаттары боюнча улуттук кеңеши орус телеканалдарын көргөзүүгө тыюу салды. "Россия" каналы беш жылга, "Россия 24" төрт жылга чейин көрсөтүлбөйт. TV Centr International каталын үч жылга чейин ретрансляция кылууга тыюу салынды. Чечим бүгүнтөн баштап күчүнө кирет.
Киевдеги кан жол шаардан чыгып кетүүгө умтулган жашоочулардын автоунааларына толду. Пьер Кромдун сүрөтү.
Евробиримдиктин жетекчилиги Орусияны "болуп көрбөгөндөй изоляцияга" алууга убада берди
Еврокомиссиянын жетекчиси Урсула фон дер Ляйен жана европалык дипломатиянын башчысы Жозеп Боррелл түз эфирден учурда "Европа Экинчи дүйнөлүк согуштан кийинки эң караңгы сааттарды" баштан кечирип жатканын айтышып, Европа өлкөлөрү Орусиянын агрессиясына каршы биримдикти сактап каларын билдиришти.
Бүгүн ЕБ Москвага каршы жаңы, өтө катуу санкцияларды киргизет. "Орусия болуп көрбөгөндөй изоляцияда", - деп белгиледи Жозеп Боррелл. "Украина жеңет", - деп билдирди Урсула фон дер Ляйен.
Украинанын ИИМнин кеңешчиси Антон Геращенко өлкөнүн 17 облусунда жарылуу жана аткылоо болгонун билдирди.