Кыргызстанда 5-мартта Ак калпак күнү белгиленип жатат. Бул датага байланыштуу Бишкекте жаштардын жүрүшү өттү. Президенттик админстрация мамлекет башчысы Садыр Жапаровдун куттуктоосун жарыялады.
"Кылымдар сынынан өткөн маданиятыбыз дүйнөгө тааныла беришине тилектешмин!", - деди Жапаров.
Ак калпак күнү 2011-жылдан баштап бейрасмий белгилене баштаган. 2016-жылы Жогорку Кеңештин токтому менен 5-март - Ак калпак жана улуттук кийимдер күнү деп расмий түрдө бекитилген.
Кыргыз калпагы тилик калпак, айры калпак, сайма калпак, туюк калпак болуп бир нече түргө бөлүнөт.
Facebook шеринеси