Жалал-Абад облусунун Чаткал районуна караштуу Жаңы-Базар айылында кар көчкү астында калган мал-жандыкты чыгаруу иши бүгүн, 13-мартта да уланып жатканын Өзгөчө кырдаалдар министрлиги билдирди.
Мекеменин маалыматына караганда, 12-мартта көлөмү 1 миллион куб метрлик кар көчкү үч сарайды ичиндеги мал-жандыгы менен кошо басып калган.
Кырсыктын кесепетинен айыл тургундарына таандык 156 кой, алты жылкы жана "Одиссей" үлгүсүндөгү жеңил автоунаа кар астында калган.
Адам өмүрүнө зыян келген жок.
Синоптиктер 11-15-март күндөрү Кыргызстандын тоолуу аймактарында кар көчкү коркунучу бар экенин эскерткен. (RK)
Facebook шеринеси