2022-жылы Кыргызстан Эл аралык каржы донорлорунан мамлекеттик бюджетти колдоо үчүн 9 млрд. 945 млн. сом алат.
Бул тууралуу Финансы министрлиги маалымдады. Ага ылайык, 663 млн. (7,5 млн. доллар) сом Дүйнөлүк банктан, 2 млрд. 210 млн. сом (25 млн. доллар) Азия өнүктүрүү банкынан жана 7 млрд. 72 млн. сом (80 млн. доллар) Евразия өнүктүрүү жана турукташтыруу фондунан алынат.
Маалыматта айтылгандай, жалпысынан быйылкы бекитилген бюджеттин 47 млрд. 481 млн. сому сырттан алына турган каражат болмокчу.
2022-жылга жалпы мамлекеттик бюджет 403,9 млрд. сом деп бекитилген. Мамлекеттик инвестициялык гранттарды эске алуу менен быйыл республикалык бюджеттин жалпы кирешеси 282,1 млрд. сом, чыгашасы 291,2 млрд. сом болот. (ZKo)
Дагы караңыз