Линктер

ЧУКУЛ КАБАР!
20-Май, 2024-жыл, дүйшөмбү, Бишкек убактысы 18:45

Президенттин Чүйдөгү ыйгарым укуктуу өкүлү кызматынан бошотулду


Эркин Тентишев
Эркин Тентишев

Президенттин Чүй облусундагы ыйгарым укуктуу өкүлү Эркин Тентишевди ээлеген кызматынан алуу тууралуу буйрукка президент Садыр Жапаров кол койгон. Тентишев бул кызматка 2021-жылдын 16-июлунда дайындалган эле.

Ал февраль айында Чүй облусунун аймактарында жер басып алган, айдоо талааларына үй салып жаткан учурлар болуп жатканын айтып, мындай учурларга катуу чара көрүлөт деп кайрылуу жасаган. Андан кийин мыйзамсыз жер басып алууларды токтотконун, айдоо талааларын турак жай үчүн саткан учурларга чара көрүлүп жатканын билдирген.

Жапаров кол койгон дагы бир буйрукка ылайык, Эркин Тентишев коомдук башталышта Кыргыз Республикасынын президентинин кеңешчиси болуп дайындалды.

Эркин Тентишев 1962-жылы туулган. Ал С.Тентишев атындагы Азия медициналык институтунун негиздөөчүсү. Тентишевдин уулу Бакыт Тентишев “Ынтымак” саясий партиясынан VII чакырылыштагы парламенттин депутаты. (KS)

Facebook шеринеси

XS
SM
MD
LG