Казакстандагы Январь окуяларында кармалган, жараат алган жана каза болгон адамдар тууралуу маалыматтарды чогултуу менен алектенген Qantar фондунун адвокаттары өлкөнүн тергөө органдары иштерди кароону создуктуруп жатканын 21-апрелде айтып чыкты.
Алардын айтымында, кыйноо, жараат жана өлүм фактыларын тергөө иши создугуп жатканы тууралуу кайрылуу президент Касым-Жомарт Токаевге жөнөтүлүп, иликтөөгө эл аралык адистерди да катыштыруу талабы коюлду.
Суюлтулган газ кескин кымбаттап кетишине байланыштуу тынчтык митингдери алгач 2-январда башталып, кийин өлкөнүн башка аймактарына жайылган. Жүздөгөн адам каза болуп, миңдеген адам кармалган. (RK)
Facebook шеринеси