Федералдык аба транспорт агенттиги (Росавиация) Орусиянын түштүгүндөгү 11 аэропортко учууга тыюу салуу чечимин 1-майга чейин узартты. Бул тууралуу 23-апрелде "Интерфакс" кабарлады. Аэропорттордун ишин чектөө ушуну менен онунчу жолу узартылууда.
Кеп Анапа, Белгород, Брянск, Воронеж, Геленджик, Краснодар, Курск, Липецк, Ростов-на-Дону, Симферополь жана Элиста аэропортторуна каттамдарды чектөө жөнүндө болуп жатат.
Орусия 24-февралда Украинага басып кирген күнү өлкө түштүгүндөгү аба мейкиндигин жарандык авиацияга жаап койгон.
Дагы караңыз
