Линктер

ЧУКУЛ КАБАР!
21-Апрель, 2024-жыл, жекшемби, Бишкек убактысы 19:49

Ноокатта жол боюндагы үйлөр бузулууда


Жол боюнда кызыл сызыктан сыртка чыгып кеткен имараттарды бузуу 23-апрелде башталды.
Жол боюнда кызыл сызыктан сыртка чыгып кеткен имараттарды бузуу 23-апрелде башталды.

Ноокатта жолдун кызыл сызыгынан сыртка чыгып кеткен жеке менчик үйлөрдү, дүкөндөрдү, тамактануучу жайларды бузуу иштери башталды. Район акими Данир Иманалиев бул Ош-Баткен-Раззаков жолунун Ноокат аймагынан өткөн 47 чакырым аралыгын оңдоо иштерине даярдык экенин “Азаттыкка” билдирди.

“Учурда жол боюна жакын, кызыл сызыкта 62 үй бар. Биз алардын баарын карап чыгып, жолдун курулуш иштерине даярдык көрүү максатында кызыл сызыкка кирип калгандарын бузуп жатабыз”, - деди Иманалиев.

Бузуу иштери Ноокат шаарында, Т. Зулпуев жана Көк-Жар айыл өкмөттөрүнүн аймактарында 23-апрелде башталды. "Азаттык" азырынча турак-жай ээлеринин пикирлерин уга алган жок.

Акимдин маалыматына караганда, Ош-Баткен-Раззаков жолунун Ноокат аймагындагы бөлүгүн оңдоо үчүн Транспорт министрлиги тендер өткөргөн. Аны жапониялык JICA уюму уткан. Учурда оңдоо иштеринин долбоору түзүлүүдө.

Жарандар Ноокаттагы бул жолдун абалын Кыргызстандагы эң начар жолдордун бири катары сындап келишет. (GT)

Facebook шеринеси

XS
SM
MD
LG