Бишкекте өз жанын кыюуга аракет кылган жаран куткарылганын Өзгөчө кырдаалдар министрлиги кабарлады.
Маалыматка ылайык, 5-май күнү саат 18:20 чамасында Бишкектеги курулушу бүтө элек көп кабаттуу имараттардын биринин 9-кабатынан боюн таштаганы жаткан аял тууралуу маалымат түшкөн.
Жерине ыкчам түрдө беш куткаруучу тартылып, аялды жерге түшүрүп милиция кызматкерлерине өткөрүп берди.
Буга чейин, 26-апрелде Ошто көп кабаттуу үйдүн терезесинен боюн таштаганы жаткан аял куткарылган.
17-мартта Ошто эки окуучу көп кабаттуу үйдөн кулап, бири каза болгон.
23-февралда Ошто 13 жаштагы өспүрүм беш кабаттуу үйдөн секирип, жанын кыйганын кабарлаган. (КЕ)
Дагы караңыз
Facebook шеринеси