Линктер

ЧУКУЛ КАБАР!
19-Май, 2024-жыл, жекшемби, Бишкек убактысы 02:36

Ташкент бийлиги эркектердин узун сакалын мажбурлап алдырууда


Ташкентте сакалын алууга аргасыз болгондордун бири.
Ташкентте сакалын алууга аргасыз болгондордун бири.

Ташкентте атайын рейд жүрүп, эркектерди сакалын алууга милдеттендиришти.

Кармалгандардын бири Gazeta.uz. басылмасына билдиргендей, сакалын алуудан баш тартса, 15 суткага камаларын эскертишкен.

Өткөн аптада баш калаанын Үчдөбө жана Чилназар райондорунда коомдук жайларда узун сакалчан эркектерди кармап, сакалын алдыртып жатканы тууралуу маалымат чыккан.

Өзбекстандыктардын бири Мухаммадюсуф ибн Кобил Фейсбуктагы баракчасына сакалын алганга чейин жана кийин сүрөтүн коюп, «Көчөдө баратсам жол көзөмөлдөгөн кызматкер токтотуп, тек жайымды такташ үчүн бөлүмгө барыш керек экенимди айтты»-деп жазды.

Ал полиция бөлүмүндө ошол учурда кеминде 10 адам болгонун, алардын баарын сакалын алууга милдеттендиришкенин кошумчалады.

Ички иштер министрлигинин маалымат катчысы Шохрух Гиясов полициянын кылмыштуулукка каршы күрөшүн жарандардын диний ишенимдерин басмырлоого теңебөөгө чакырды.

Кошуна Тажикстанда дагы 2015-жылдан бери узун сакал коюуга тыюу салынып келет. Өзбекстанда дагы Тажикстандагыдай эле сакалды милдеттүү түрдө алуу боюнча расмий токтом жок.

Facebook шеринеси

XS
SM
MD
LG