Адылбек Касымалиев Министрлер кабинетинин төрагасынын биринчи орун басарынын милдетин аткаруучу болуп дайындалды. Тиешелүү жарлыкка президент Садыр Жапаров 15-июнда кол койгону мамлекет башчынын сайтына жарыяланды.
Буга чейин Министрлер кабинетинин төрагасынын биринчи орун басары Арзыбек Кожошев Еварзиялык экономикалык комиссиясынын энергетика жана инфраструктура министри болуп дайындалганы кабарланган.
Адылбек Касымалиев 2015-2018-жылдары Кыргызстандын финансы министри болуп иштеген. Ага чейин өлкөнүн Салык кызматын жетектеген, экономика министринин орун басар кызматын аркалаган. (JsA)
Facebook шеринеси