Линктер

ЧУКУЛ КАБАР!
29-Февраль, 2024-жыл, бейшемби, Бишкек убактысы 22:02

Кворумдан улам парламенттин түштөн кийинки жыйыны болбой калды


Жогорку Кеңеш. 13-октябрь, 2022-жыл.
Жогорку Кеңеш. 13-октябрь, 2022-жыл.

Кворум жок болгондуктан, Жогорку Кеңештин түштөн кийинки жыйыны өткөн жок. Түштөн кийин депутататтар Евразия экономикалык бирлигине байланыштуу, “Расмий статистика жөнүндө”, жол кыймылынын коопсуздугу боюнча айрым мыйзам актыларына, Кылмыш-жаза процессуалдык кодексине өзгөртүү киргизүүгө байланышкан мыйзамга өзгөртүү киргизүүнү карашмак. Кворум болуш үчүн 90 депутаттын 46сы катышуусу керек, бирок каттоодон 40 гана депутат өттү.

Парламенттин түшкө чейинки жыйынында депутаттар ар кандай маселелер боюнча сүйлөшүп, мамлекеттик жана коомдук ишмер, мурдагы Эл өкүлдөр жыйынынын төрагасы Алмамбет Матубраимовдун 70 жылдык маарекеси белгиленди.

Анын өмүр жолун чагылдырган тасма көрсөтүлдү. Иш-чарага парламенттин мурдагы төрагалары, коомдук жана мамлекеттик ишмерлер катышты. Мурдагы премьер-министр Апас Жумагулов, легендарлуу парламенттин төрагасы Медеткан Шеримкулов, академик Миталип Мамытов, Жогорку Кеңештин IV чакырылышынын төрагасы, депутат Адахан Мадумаров куттуктоо сөзүн сүйлөштү.

Жогорку Кеңештин 7-чакырылышы 2021-жылы 28-ноябрда шайланып келди. 90 депутаттан турган чакырылыш 29-декабрда ишин баштаган. 2021-жылдагы конституциялык реформага ылайык 90 депутаттын 36сы бир мандаттуу округдардан шайланат. (КЕ)

Facebook шеринеси

XS
SM
MD
LG