Шейшембиде Орусия АКШга "Гром" деп аталган стратегиялык өзөктүк машыгуусу башталганын расмий билдирди. Машыгуунун алкагында өзөктүк куралды алып жүрүүчү баллистикалык ракеталар учуруларын Пентагон жана Мамдепартамент маалымдады.
Жыл сайын өтүп келген машыгуулар быйыл Орусиянын Украинадагы согушу учурунда өзгөчө көңүл борборунда.
"Машыгуу жөнүндө билдирүү менен Орусия курал-жаракты көзөмөлдөө жаатындагы милдетин аткарды", - деди Пентагондун басма сөз катчысы
Мамдепартаменттин өкүлү Нед Прайстын айтуусунда, маалымдоо машыгуулар тууралуу натуура ойлордун алдын аларын айтты.
Буга чейинки машыгуулар Орусия Украинага кол салардын алдында болгон. Бирок аскердик машыгуу тууралуу алдын ала маалымдалган эмес.
Октябрдын башында НАТОнун баш катчысы Йенс Столтенберг альянс сыноолор жана машыгуулардын жүрүшүнө кылдат байкоо саларын билдирген.
Бул аралыкта НАТО Бельгияда Steadfast Noon деп аталган аскердик машыгуусун баштады. Анда түндүк атлантикалык альянска мүчө 14 өлкөнүн стратегиялык эмес өзөктүк куралдары колдонулат.
