Линктер

ЧУКУЛ КАБАР!
28-Май, 2024-жыл, шейшемби, Бишкек убактысы 00:07

Байден Украинага 45 миллиард доллар бөлүүнү караган бюджетке кол койду


АКШ жана Украина президенттери. Вашингтон, 21-декабрь 2022-жыл
АКШ жана Украина президенттери. Вашингтон, 21-декабрь 2022-жыл

АКШнын президенти Жо Байден 2023-жылдын бюджетине кол койду. Бир триллион 700 миллиард доллардын 858 миллиарды Коргоо министрлигин каржылоого жумшалмакчы.

Бул – быйылкы жылга караганда 10% көп. 45 миллиард доллар Украина жана НАТО өлкөлөрүнө жардам иретинде берилмекчи.

Киевге бөлүнгөн жардамдын көлөмү болжол менен быйылкы жылдын деңгээлинде калат. 21-декабрда АКШ Конгрессинде сүйлөгөндө украин президенти Владимир Зеленский кошумча жардам берүүгө чакырган.

Бюджетте ошондой эле медициналык изилдөөлөр, коопсуздук, социалдык максаттарга инвестиция салуу каралган.

Документтин долбоорун буга чейин Конгресстин эки палатасы тең жактырган.

Facebook шеринеси

XS
SM
MD
LG