Линктер

ЧУКУЛ КАБАР!
19-Апрель, 2024-жыл, жума, Бишкек убактысы 22:24

Пакистанда электр энергиясы жапырт өчүрүлдү


Карачиде буга чейин электр жарыгы өчкөн маалда тартылган сүрөт. Архив.
Карачиде буга чейин электр жарыгы өчкөн маалда тартылган сүрөт. Архив.

Пакистанда 23-январда электр энергиясы жапырт өчүрүлдү.

Жарык берүү Исламабад, Карачи, Лахор өңдүү чоң шаарларда да үзгүлтүүккө учурады. Ооруканалар, заводдор жана мектептер бир нече саат электр жарыгысыз калышты. Пешаварда эртең менен ичүүчү суу да токтоп калган.

Энергетика министрлиги бул жагдай электр тармагындагы мүчүлүштүктөн улам болгонун билдирди. Твиттерге жарыяланган расмий кабарга ылайык, эртең менен басым төмөндөп кеткен. Электр энергиясы алгач баш калаа Исламабаддын, Пешавар шаарынын айрым райондорунда калыбына келтириле баштады.

Энергетика министри Гулам Дастгир Geo News TV телеканалына электр системасында "чоң көйгөй" жок экенин жана жакынкы 12 саатта бүт өлкөгө берилерин айтты.

2021-жылдын январында Карачи, Исламабад жана Лахор сыяктуу шаарларда электр жарыгы өчүрүлүп, бир нече сааттан кийин калыбына келтирилген.

Facebook шеринеси

XS
SM
MD
LG