Линктер

ЧУКУЛ КАБАР!
25-Апрель, 2024-жыл, бейшемби, Бишкек убактысы 10:34

Орусия Луганск облусуна чабуул коюуга камынып жатканы кабарланды


Кременнаядагы украиналык танк.
Кременнаядагы украиналык танк.

Орус армиясы 15-февралдан кийин Луганск облусунун батышына чабуул жасоо үчүн аймакка аскердик техникасын топтоп жатат. Бул тууралуу Луганск облустук аскер администрациясынын башчысы Сергей Гайдай "Белсат" телеканалына билдирди. Ушул эле маалматты Financial Times гезитине украин армиясындагы жашыруун булак да берген.

Аталган басылма чабуул мурда оурстар басып алып, кайра украиндердин көзөмөлүнө өткөн Кременная жана Лиман аймактарында башталышы мүмкүндүгүн жазды

4-февралда Украинанын Башкы штабы Кременнаяда орусиялык чабуулдун мизи кайтарылганын кабарлаган.

Москва бул билдирүүлөргө комментарий берген жок. Өз кезегинде орусиячыл булактар украин армиясы бул аймакта чабуул жасоого аракет көрүп жатканын жазышууда.

Украинанын президенти Владимир Зеленский 5-февралдагы кайрылуусунда, орус армиясы февраль айында “мурдагы жеңилүүлөрдүн ордун толтурууга” аракет кыларын айтты.

24-февралда Орусия Украинага басып киргенине бир жыл толот.

Facebook шеринеси

XS
SM
MD
LG