Линктер

ЧУКУЛ КАБАР!
19-Апрель, 2024-жыл, жума, Бишкек убактысы 12:50

Президент Жапаров Венгриянын премьер-министри Орбан менен жолукту


Кыргызстандын президенти Садыр Жапаров менен Венгриянын премьер-министри Виктор Орбан. 14-февраль, Будапешт.
Кыргызстандын президенти Садыр Жапаров менен Венгриянын премьер-министри Виктор Орбан. 14-февраль, Будапешт.

Бүгүн, 14-февралда Кыргызстандын президенти Садыр Жапаров менен Венгриянын премьер-министри Виктор Орбан жолугушуп, бир катар маанилүү багыттар боюнча сүйлөшүүлөрдү өткөрдү. Бул тууралуу президенттин басма сөз кызматы кабарлады. Жолугушуу алгач чакан жана кеңейтилген форматта өттү.

Расмий маалыматка караганда, тараптар соода-экономикалык жана маданий-гуманитардык кызматташтыкты чыңдоо жана кеңейтүү маселелерин, банк чөйрөсүндө, гидроэнергетикада, жашыл экономикада өз ара аракеттенүү мүмкүнчүлүгүн жана башка маселелерди талкуулашты.

"Премьер-министр Виктор Орбан эки элдин тарыхый тамыры бир экендигин баса белгилеп, Кыргызстан - мажарлардын ата-баба конушу экенин белгиледи. Ал буга чейин түзүлгөн достук жана бир туугандык мамилелер биргелешкен долбоорлорду практика жүзүндө ишке ашыруу керектигин, аларды ишке ашырууда ал башында турган Венгриянын өкмөтү бардык күч-аракетин жумшай турганын айтты", - деп айтылат президенттин басма сөз кызматы тараткан маалыматта.

Жапаров мамлекеттердин соода-экономикалык мамилелеринде болгон потенциалга өзгөчө басым жасап, аны бир нече эсеге көбөйтүү керектигин айтып, мажар-кыргыз бизнес-форуму эки өлкөнүн компанияларынын өкүлдөрүнүн ортосунда ишкердик байланыштарды түзүүгө жардам берерине ишеним билдирди.

Президент Виктор Орбанды ыңгайлуу убакта Кыргызстанга келип кетүүгө чакырды.

Кыргызстандын президенти Садыр Жапаров 12-13-февралда Венгрияга расмий сапар менен барды. Сапар алкагында ал Венгриянын президенти баштаган жетекчилери менен жолугушуп, бир катар документтерге кол коюлганы президенттин сайтында кабарланды. (КЕ)

Facebook шеринеси

XS
SM
MD
LG