Линктер

ЧУКУЛ КАБАР!
26-Февраль, 2024-жыл, дүйшөмбү, Бишкек убактысы 15:25

АКШ Кыргызстандын медицина тармагына төрт миллион доллар бөлөт


Ортодо министр Гүлнара Баатырова жана USAID администраторунун орун басары Изабел Коулман.
Ортодо министр Гүлнара Баатырова жана USAID администраторунун орун басары Изабел Коулман.

АКШнын Эл аралык өнүктүрүү агенттиги (USAID) Кыргызстандын саламаттык сактоо тармагына колдоо көрсөтүү максатында кезектеги каржылык жардам катары 4 миллион доллар бөлүүнү пландап жатат. Бул тууралуу бүгүн 15-февралда саламаттык сактоо министри Гүлнара Баатырова менен жолугушууда USAID администраторунун орун басары Изабел Коулман билдирди.

Министрликтин маалымат кызматы кабарлагандай, жолугушууда кургак учук, COVID-19, ВИЧ/СПИД сыяктуу илдеттерге каршы күрөш, Кыргызстандын саламаттык сактоо системасын бекемдөө маселелери талкууланды.

Министр Баатырова USAID көрсөтүп келе жаткан колдоого ыраазычылык билдирип, анын өкүлүнүн Кыргызстанга сапары кызматташтыкты жаңы деңгээлге чыгарарына үмүттөнөрүн айтты.

Пландалып жаткан 4 миллион доллар Кыргызстандын саламаттыкты сактоо системасын бекемдөөгө багытталары маалымдалды.

Кыргызстандын медицина тармагы өкмөттүн өз акчасы жетишсиз болгондуктан сырттан жардамды көп алат. (RK)

Facebook шеринеси

XS
SM
MD
LG