Линктер

ЧУКУЛ КАБАР!
23-Апрель, 2024-жыл, шейшемби, Бишкек убактысы 10:58

Министрлик дыйкандар үчүн арзан дизел сатыла баштаганын жарыялады


Кыргызстандын аймагында сатылып жаткан күйүүчү май. Иллюстрациялык сүрөт.
Кыргызстандын аймагында сатылып жаткан күйүүчү май. Иллюстрациялык сүрөт.

Кыргызстанда жазгы талаа жумуштары үчүн дыйкандарга 3 миллион литр дизель базар баасынан арзан – 65 сомдон сатыла баштаганын Айыл чарба министрлиги кабарлады.

Маалыматта айтылгандай, дизелди Мамлекеттик материалдык резервдер фонду Red Petroleum компаниясы менен келишим түзүп сатып алган. Ал район-райондорго квота менен бөлүштүрүлүп берилген. Айыл чарба министрлиги дыйкандарды арзан дизелди сатып алуу үчүн айыл өкмөттөргө кайрылууга чакырды.

Улуттук статистика комитетинин маалыматтарына таянсак, ушул күндөрү Кыргызстанда дизелдин базар баасы 74-75 сом болуп жатат.

Кыргызстанда жазгы талаа иштерине жалпы 42,1 миң тонна күйүүчү-май керектелет. Министрлик кабарлагандай учурда мунай базаларында жана автомай куючу жайларда 25 миң тонна дизель, 20 миң тонна автобензин бар.

Өкмөт арзаныраак таратып жаткан 3 миллион литр дизель 2,5 миң тонна. Жазгы талаа жумуштарына керектелчү көлөмдүн 7,2% түзөт. (ErN)

Facebook шеринеси

XS
SM
MD
LG