Жогорку Кеңештин Социалдык саясат комитети 27-февралдагы жыйынында билим берүү жана илим министрлиги кызматына Каныбек Иманалиевдин талапкерлигин бир добуштан колдоду.
Ал билим берүү тармагын реформалоо боюнча концепцияны бир айда даярдап, парламентке алып келерин билдирди.
24-февралда билим берүү жана илим министринин милдетин аткаруучу болуп дайындалган Каныбек Иманалиев кесиби боюнча журналист жана буга чейин Жогорку Кеңештин төрт чакырылышына депутат болгон.
2020-жылдагы Октябрь окуясынан кийин президент Садыр Жапаровдун саясатынын бир катар багыттарын сындап жүргөн, 2021-жылдагы президенттик шайлоодо талапкерлигин койгон. (TAb)
Facebook шеринеси