Линктер

ЧУКУЛ КАБАР!
21-Апрель, 2024-жыл, жекшемби, Бишкек убактысы 01:01

Украинадагы согушта өзбек жараны өлгөнү алгач ирет расмий бышыкталды


Украинадагы согуш тутанган аймактардын биринен тартылган сүрөт.
Украинадагы согуш тутанган аймактардын биринен тартылган сүрөт.

Орусиянын түрмөсүнөн Украинадагы согушка жөнөтүлүп, ал жакта каза болгон бир өзбек жаранынын сөөгү мекенине жеткирилди. Бул тууралуу Өзбекстандын коопсуздук кызматы 10-мартта кабарлады.

Расмий маалыматка ылайык, маркум Каракалпакстан автономиялуу республикасынын 43 жаштагы тургуну болгон. Быйыл 30-январда Орусиядан Украинадагы согуш тутанган аймакка жөнөтүлгөн. Ал чейин Орусияда миграцияда жүрүп камалганы айтылат, бирок бирок эмне себептен түрмөгө түшкөнү тууралуу маалымат жок.

Өзбекстандын атайын кызматы жарандарга кайрылып, чет өлкөдө аскерге жалданып, куралдуу жаңжалдарга катышкандарга катаал жаза каралганын эскертти.

Буга чейин "Азаттыктын" өзбек кызматы Самарканд облусунун эки тургуну Украинадагы согушта өлгөнүн, алардын сөөгү мекенине жеткирилгенин жазган. Андан тышкары, дагы беш өзбекстандык каза тапканы тууралуу маалыматтар бар. Бирок Ташкент расмий түрдө эч бирин бышыктаган эмес.

Орусиядагы "Вагнер" жалданма аскер уюму абактардан согушка алып кеткен жарандардын арасында борборазиялыктар да бар экенин, айрымдары каза болгонун мурдараак "Азаттык" жазган. Өлгөндөрдүн алтоо кыргызстандык экени аныкталган.

Facebook шеринеси

XS
SM
MD
LG