21-мартта Ооганстан менен Пакистанда болгон жер титирөөдө кеминде 13 киши набыт болду. Силкинүү Борбор Азияда, анын ичинде Кыргызстанда да сезилди. 50 миң доллар пара алууга шек саналып экс-вице-премьер Дүйшөнбек Зилалиев кайра кармалды. Мурдагы аткаминер буга чейин да бир нече кылмыш иши козголуп, соттун өкүмдөрү чыккан. Төрт эркектен кордук көргөн 13 жаштагы кыздын иши Жогорку Сотко жетип, ага айыпталган эки милиционердин иши 5-апрелге калды.