Линктер

ЧУКУЛ КАБАР!
23-Июнь, 2024-жыл, жекшемби, Бишкек убактысы 02:27

Бишкектеги жол кырсыгында жабыркаган балдардын саны 20га жетти


Жол кырсыктын социалдык тармактарга тараган видеосунан алынган скриншот.
Жол кырсыктын социалдык тармактарга тараган видеосунан алынган скриншот.

Бишкектен “Манас” аэропортуна бараткан жолдо болгон кырсыктан жабыркап, ооруканага түшкөн балдардын саны 20га жетти. Бул тууралуу Бишкек шаардык №3 балдар ооруканасынын башкы дарыгери Акылбек Мананов “Азаттыкка” билдирди.

Алардын баары 2012-2015-жылы туулган балдар.

“19 бала “Тез жардам” менен алып келинди. Бирөө өзүнчө келди. 14 бала оорукананын нейрохирургия бөлүмүнө жаткырылды, абалы туруктуу. Өздөрүн жакшы сезип жатышат, коркунуч жок. Бирөө травматология бөлүмүнө жаткырылды. Төртөө реанимация бөлүмүндө. Алардын абалы оор, бирок туруктуу”, - деди Мананов.

Саламаттык сактоо министрлиги кырсык тууралуу кабар "Тез жардамга" саат 11:15те түшкөнүн кабарлады.

20-апрелде түшкө жакын Бишкектен “Манас” аэропортун көздөй бараткан жолдо автобус менен кичи автобус кагылышкан. Социалдык тармактарга тараган видеодон кырсыкка кабылган автобус кызматтык экенин көрүүгө болот.

Автобуста жалпы канча бала болгону жана алар кайсы мектептин окуучулары экени такталууда. (TAb)

Facebook шеринеси

XS
SM
MD
LG