Америкалык Air Products компаниясы Кашкадарыя облусунун Гузар районундагы жаратылыш газын кайра иштетүүчү заводду өнүктүрүүгө 1 миллиард доллар инвестиция салат. Бул тууралуу Өзбекстандын Инвестициялар, өнөр жай жана соода министрлиги билдирди.
Маалыматка караганда, Air Products компаниясы менен "Өзбекмунайгаз" ишканасынын ортосундагы тиешелүү инвестициялык келишимге 25-майда кол коюлду.
"Бул келишим сапаттуу жана арзан отун өндүрүшүн камсыздап, калктын өсүп жаткан суроо-талабын канааттандырат. Биз бул узак мөөнөттүү жана туруктуу өнөктөштүк уланат деп ишенебиз", – деди Air Products компаниясынын башчысы Сейфи Гасем.
Uzbekistan GTL – синтетикалык суюк отун өндүрүү менен алектенген дүйнөдөгү бешинчи комплекс болуп эсептелет. Ал 2021-жылы ачылган.
2021-жылы октябрда Жызак облусуна барган президент Шавкат Мирзиёев Гузар районунда 3,6 миллиард долларга жаратылыш газын суюк отунга айландыруу боюнча завод курулуп бүткөнүн билдирген.
Facebook шеринеси