Линктер

ЧУКУЛ КАБАР!
23-Июль, 2024-жыл, шейшемби, Бишкек убактысы 02:22

Украина: Киевге чабуул беш сааттан ашык убакытка созулду


Киевге чабуулдун кесепети
Киевге чабуулдун кесепети

28-майда шаар күнүн белгилеген Киев Орусия аткан дрондордун жапырт чабуулуна кабылды. Аскердик администрация абадан коргонуу күчтөрү кеминде шаарды бутага алган 40 учкучсуз учакты атып түшүргөнүн, бир киши каза болгонун маалымдады.

Ал эми жалпы Украина боюнча жекшембиде 54 жолу дрондон чабуул жасалып, анын 52синин мизи кайтарылды.

Украин бийлиги бул чабуулда да Иранда жасалган Shahed дрондору колдонулганын белгилеп жатат. Чабуул улам-улам жасалып, жалпы беш сааттан ашык убакытка созулган.

Украинанын баш калаасынын бир катар райондорунда көп кабаттуу үйлөр, өндүрүш ишканалары зыян тартты. Өлкөнүн башка аймактарында дагы абадан эскертүү жарыяланды.

Орусия буга комментарий бере элек. Согуш маалында тараптардын маалыматтарынын чын-төгүнүн ырастоо мүмкүн эмес.

Facebook шеринеси

XS
SM
MD
LG